ஆசமனம்


ஆசமனம்

  • ஆத்மதத்துவம், வித்தியாதத்துவம், சிவதத்துவம் ஆகிய மூன்று தத்துவங்களையும் சுத்தி செய்வதற்காக மும்முறை நீரை உட்கொள்ளுதல், உதடுகளைத் துடைத்தல், தொடுமிடம் தொடுதல் ஆகிய மூன்று கிரியைகளையும் செய்தல் ஆசமனம் ஆகும்.
  • ஆசமனம் செய்யும் முறை:
    • ஓம் ஆத்மதத்துவாய சுவதா, ஓம் வித்தியாதத்துவாய சுவதா, ஓம் சிவதத்துவாய சுவதா என்று சொல்லி கோகர்ன முத்திரையினால் மும்முறை நீரை உட்கொள்ளுதல்.
    • பின்பு ஓம் அஸ்திராய பட் என்று சொல்லி பதாகை முத்திரைதாங்கி பெருவிரல் அடியினால் உதடுகள் இரண்டையும் வலம் இடமாக இரண்டு தரமும், உள்ளங்கை கொண்டு கீழாக ஒருமுறையும் துடைத்தல். இது அதரசுத்தி எனப்படும்.
    • பின்னர் ஓம் இருதயாய வெளஷட் என்று சொல்லி பெரு விரலோடு கூடிய அணிவிரலினால்(மேதிரவிரல்) முகம், வலமூக்கு, இடமூக்கு, வலக்கண், இடக்கண், வலக்காது, இடக்காது, வயிறு, மார்பு, வலப்புயம், இடப்புயம், சிரசு என்னும் பன்னிரண்டு இடங்களையும் தொடுதல். இது தொடுமிடம் தொடுதல் ஆகும்.
  • மும்முறை நீரை உட்கொள்ளும் போது மூன்று தத்துவங்களும் சுத்தியாவதோடு இருக்கு, யசுர், சாமம் எனும் மூன்று வேதங்களும், உதடுகளைத் துடைப்பதனால் அதர்வண வேதமும், இதிகாசமும் உள்ளங்கை கொண்டு கீழாக துடைப்பதனால் விநாயகரும் பிரீதி அடைவர். அத்துடன் தொடுமிடம் தொடுவதனால் அத்தானங் களுக்குரிய அதிதேவதைகள் பிரீதியடைவர்.
    • தானங்களும் அதிதேவதைகள்: பெருவிரல் – அமிர்தகலை, அணிவிரல் – ஈஸ்வரன், முகம் – கங்கை, கண் – சூரியசந்திரர், செவி – லோகபாலர், வயிறு – பிரம்மன், மார்பு – உருத்திரன், புயம் – அஸ்வினிதேவர்கள், சிரசு – விஷ்ணு.

POSTED BY SRI SARMA SASTRIGAL:
ஆசமனம் என்பது நமது ப்ராஹ்மணர்களின் நித்ய வாழ்க்கையில் ஒரு மிக முக்கியமான பங்கு வகிக்கின்றது. செய்வதும் ரொம்பவும் ஈஸி. ஆனால் இதைகூட நம்மில் பெரும்பாலும் பலர் ஏனோதானோவென்று ’இயந்திரத்தனமாகத்தான்’ செய்து வருகிறோம். இதற்கு உண்டான முக்கியத்துவத்தை அனேகமாகத் தருவதில்லை என்பதுதான் வாஸ்தவமான இன்றைய நிலமை.
சிலர் ஆசமனம் ஒரு தடவை செய்தாலே போதும் அவர்கள் செய்த இடத்தில் ஒரு ‘குளமே’ உருவாகி இருக்கும். . அவர்கள் உட்கொண்ட ஜலத்தை விட கீழே கொட்டியிருக்கும் ஜலத்தின் அளவு அதிகமாகவே இருக்கும். உடனே ஒரு துணியை போட்டு அந்த இடத்தை துடைக்க வேண்டியிருக்கும். சிலர் ஆசமனம் என்ற உடனேயே கீழே ஒரு தாம்பாளத்தையும் ரெடியாக வைத்துக்கொள்ளுவார்கள். ஆசமனம் செய்யும்போது முதலில் நாம் கவணிக்கவேண்டிய விஷயம் என்னவென்றால் ஜலத்தை உட்கொள்ளும்போது ஜலம் கீழே சிந்தாமல் பார்த்துக்கொள்ள வேண்டும். முயற்சி செய்தால் இது சாத்யமே.
சரி, அந்த ஜலத்தின் அளவு ஏதாவது சொல்லப்பட்டுள்ளதா என்றால் அதற்கும் விதி உள்ளது. ஜலம் நிறைய நம் இஷ்டத்துக்கு எடுத்துக் கொள்ளக்கூடாது. கொஞ்சம்தான் எடுத்து பருக வேண்டும். அதாவது முழு உளுந்து முழுகும் அளவுதான் ஜலத்தை மூன்று தடவை உட்கொள்ள வேண்டும். அதுவும் எச்சப்பண்ணாமல்.
ஆசமனம் என்பது மிகவும் உசத்தியான ஒரு விஷயம். நம் மனதையும் உடல் உறுப்புக்களையும் சுத்தப் படுத்துவதற்காகவும், பகவான் நாமாக்களை முடிந்தளவு அதிகமாக நாம் உச்சரிப்பதற்கு ஒரு சந்தர்பமும் இதன் மூலம் நமக்கு தினமும் பலதடவை கிடைக்கின்றது. இதை நாம் யதோக்தமாக செய்யப் பழகவேண்டும்.
தெற்கு அல்லது மேற்கு திசையை நோக்கி ஆசமனம் செய்யக்கூடாது என்பதையும் நாம் கவனத்தில் கொள்ளவேண்டும்.
மற்றும் ஆசமனத்தை நின்றுகொண்டு செய்யக் கூடாது.
ஆசமனத்தில் மூன்று ‘ஸ்டெப்ஸ்’ கள் உள்ளன என கூறலாம். அவைகளை பார்ப்போம்.
1. ஆசமனம் செய்யும்போது வலது கையில் சுண்டு விரலையும் கட்டை விரலையும் நீக்கி மீதி விரல்களுக்குக் கீழே பகுதியில் ஜலத்தை உத்ரணியால் எடுத்து பருக வேண்டும். இம்மாதிரி மூன்று தடவை செய்ய வேண்டும். ஒவ்வொரு தடவையும் பருகும்போது சொல்லியுள்ள ஒவ்வொரு விஷ்ணுவின் நாமத்தை மனதிற்குள் சொல்ல வேண்டும்.
2. தொடர்ந்து மூன்று தடவை பருகியபிறகு. உதடுகளை மூடிக்கொண்டு வலதுக் கட்டை விரலின் அடிப் பகுதியால் இரண்டு தடவை உதடுகளை (பக்கவாட்டால்) துடைத்துக்கொள்ள வேண்டும். பிறகு எல்லா விரல்களையும் சேர்த்து ஒரு தடவை உதடுகளை வலது பக்கத்திலிருது இடது பக்கமாக துடைத்துக்கொள்ள வேண்டும்.
3. பிறகு விதிப்படி பண்ணிரண்டு இந்திரியங்களையும் அந்தந்த விரல்களால் விஷ்ணுவின் 12 நாமாக்களை மனதுற்குள் கூறியப்படித் தொட வேண்டும்.
இதுதான் ஆசமனத்திற்கு உண்டான சிஷ்டாச்சாரம்.
இந்த ஆசமனத்தை பற்றியும் ஒரு சிறிய நூல் ஒன்று தனியாக எழுதி அன்பளிப்பாக விநியோகிக்கலாமா என யோசனை வந்துள்ளது

परोपकाराय फलन्ति वृक्षा: परोपकाराय वहन्ति नद्यः।

परोपकाराय दुहन्ति गावः परोपकाराय इदं शरीरम्।



om2.gif

h.gifa.gifr.gifi.gifh.gifa.gifr.gifa.gifn.gifk.gif
( hari krishnamurthy K. HARIHARAN)"” When people hurt you Over and Over think of them as Sand paper.They Scratch & hurt you, but in the end you are polished and they are finished. ”"Keep away from people who try to belittle your ambitions. Small people always do that, but the really great ones make you feel that you too, can become great."- Mark Twain.

யாம் பெற்ற இன்பம் பெருக வையகம்
பெற்றதாய்தனை மகமறந்தாலும் பிள்ளையைப் பெறுந்தாய் மறந்தாலும்
உற்ற தேகத்தை உயிர்ம றந்தாலும் உயிரை மேவிய உடல் மறந்தாலும்
கற்றநெஞ்சம் கலைமறந்தாலும் கண்கள்நின் றிமைப்பது மறந்தாலும்
நற்றவத்தவர் உள்ளிருந்தோங்கும் நமச்சிவாயத்தை நான்மற வேனே.

"புழுவாய்ப் பிறக்கினும் புண்ணியாவுன்னடி
யென்மனத்தே வழுவா திருக்க வரந்தர வேண்டும்

visit my blog https://harikrishnamurthy.wordpress.com
follow me @twitter lokakshema_hari
http://harikrishnamurthy.typepad.com
http://hariharan60.blogspot.in
http://facebook.com/krishnamurthy.hariharan

VISIT MY PAGE https://www.facebook.com/K.Hariharan60 AND LIKE

Published by

harikrishnamurthy

a happy go lucky person by nature,committed to serve others and remove their sufferings through all possible help. POSTS IN MY BLOG ARE MY OWN OPINION, COLLECTIONS OF INTERESTING ARTICLES FROM FROM VARIOUS SOURCES. MY ONLY AIM IS TO SHARE GOOD THINGS WITH OTHERS WHICH MAY BE USEFUL TO OTHERS AND NOT TO HURT ANY ONE'S FEELINGS. If you like my blog, like me,follow me, share with others, reblog If you have some suggestions post comments your suggestions and comments are eagerly awaited

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s